(54) الشجاعة يالربع ......خرطي.... {الثلاثاء 30 أغسطس - 19:07}

بسم الله الرحمن الرحيم

(54) الشجاعة يالربع ......خرطي....


اترك شارع الشرطة في ظهرك.....
واتجه صوب البوشطه(التلفونات).....
وخلها على يسارك وكمل طريجك.....
ييك تقاطع بسيط تركه وكمل....
راح تدش في شارع ضيج ينزلك على السوق مباشره.....
أول ما أدش الشارع راح يجيك دخله شارع فرعي صغير على يسارك....
دش معها راح تلقى ساحه جدامها مطعم راسم ....
هاه عرفتوه؟؟؟؟؟.....

مطعم راسم في زينيتسا في البوسنة والهرسك....
ييونه العرب من كل صوب يايعيين وهلكانين...
يذكروني بمطاعم بيشاور ...
الله يرحم أيام مطعم العثمانية وشيراز في بيشاور .....
المهم .....
اخونا صاحب المطعم حاط جدام المطعم ماله قفص اجلكم الله فيه خمسة كلاب بوليسيه شرسه.....
والله من يوم ما ندش الساحه والنباح والازعاج كلاب دوبر مان شرسه وكبيره وضخمه....
ايه عاد انا كل ما يانا واحد يديد تعرفون الجدد معاهم فلوس....
ويا حبة عيني ما ياكلون اكلنا من اول اسبوع ما تعودوا....
لكن ما نفوت الفرصه آخذهم من الكتيبه قبل المغرب ....
واستاذن من اميرنا ذاك الوقت بوخباب المصري اني انا ومعاي كم يديد....
بنروح ادلهم البوشطه عشان يتصلون....
وحمد كسبان ماكو الا اسياخ كباب واوصال وكله ببلاش ......
وكل ما ايي للمطعم احارش الكلاب اقط عليهم حصى ....
واضربهم بقطع الخشب ويعصبون وانا ميت ضحك عليهم لانهم في قفص والقفص مفتوح .....
لكنهم مربوطين بسلاسل لو ربطت بها سياره ما تحركت.....
وانا اعرف حد السلاسل ....
ويلله حتى من اول ما يشوفوني ياي للمطعم تحمر عيون الكلاب من النباح والقهر....
عرفوني خلاص .....
ما اطول عليكم ....
مره يونا اثنين اماراتيين من الشباب الطيبين ......
عزمتهم او عزموني ما نختلف المهم رحنا للمطعم .....
وتعرفون البرنامج لازم احارش الكلاب شوي....
رحت لاكبرهم وصفقته بويهه بقطعة خشبه وانا اضحك....
وجان ينفك علي وهو ينابح بأعلى صوته وأنيابه مثل السكاكين....
تعرفون اخوكم حمد شجاع .....
من هول الموقف وصدمة المفاجأه طحت على ظهري....
وانا انتظره يقطع فيني.....
تصدقون مغيرين السلسلة مالته ومكبرينها شوي.....
والمكان اللي اوقف عنده في العاده زاد متر....
المهم تفشلت وضحكوا علي الربع ومن سمع ضحك.....
المهم ان الشجاعه من الله ......
واثبات من الله ......
ونصيحة لا احد يمزح مع الكلاب......

حمد القطري